記‧選舉之後

好懶…唔想打，將facebook既status post 出嚟就算，哈哈！

大家要醒喇！唔係無配票，唔係無蛇齋餅糉，唔係泛民內鬥，唔係被抹黑，而係對方有強大既選舉機器去做選舉，輸就梗架喇！反之，新界東民主背景候選人喺無配票、無超級名單之下，因著各有不同既"賣點"---湯家驊中產、長毛草根、慢必人力激進、張超雄吸教師社工票、新同盟范國威地區工作支持、劉惠卿唔贏要退出政壇喇！呢個佈陣之下，親共者龐愛蘭都唔可以好似謝偉俊咁當選！

再睇下新界西輸得咁慘，偽民主黨全軍覆沒，難道你仍然相信同政改方案背離民意無關？而且大膽到出高達兩公婆兩張名單，佢地事旦一個唔出一半票keep得住都穩有一席！而家無晒，你唔通話公民黨搶票？人地都可以話將你一張名單拆半，偽民主黨一席、公民黨兩席！如果肯讓肯夾下，點會出兩張名單？高達有輸過既前科，仲盲目信民調？

人地民賤聯有機器配票，如果你玩得精，可能得返一席，而家三席全取，加上工聯會、田二少…唉，有無再慘啲！幸好阿人同阿忠守得住……所以協調、去大佬心態非要稱王稱霸，比配票更重要，你點砌都砌唔到人地咁靚！

九東九西無得講，大家都已經出左唛投票，戰果係可以預料既…港島就更加係無奈咁要繼續接受日以繼夜、夜以繼日既煎熬！好欣賞陳淑莊既大方，輸都要接受佢有個人選擇權去接受排位，而且得票率都高，唔係差天共地式痴人說夢，議席曾經係咁近…佢都話配票都唔會贏到對家，而且配票係最唔尊重個人選擇既手法！港島既市民立場好壁壘分明，中間票係一個關鍵，西環要攻陷港島有一定難度，而不配票之下民主背景人士仍然打出有交代既一仗，咁仲有需要配票？

民主運動再一次在街頭進行!議會淪陷,正好讓市民知道要抗衡政府倒行逆施,要用自己的手和腳,用社會行動去抗爭!

兄弟姊妹我地守住新東喇!張超雄當選!我為我們一家人對配票說不自豪!

出得嚟行,預左要還,你背叛泛民之後,呢差唔多廿年既發言,你既嘴臉....劉江華,你活該繼續受罪!

仲係唔明民主黨點解慘敗?你地坐係議會咁多年,已經同民意脫節!黃成智你口不擇言自取其辱!

新同盟就係靠地區工作贏一席!民主黨,你地唔好再話民生工作無票!繼續支持新同盟!

配票是最不尊重個人意願的選舉方法!陳淑莊講得好,雖敗猶榮!選就要選最能代表你的人,所謂泛民,你們還不明白?

小小說.神經伴侶004

今天Paul的心情很複雜,當他下班乘車回家的時候,他遇上一群穿上黑衣的青年人,他們貌似大學生的樣子,有些人的黑眼圈，眼袋,很像告訴你他們已經很疲累了。Paul知道他們要去那裡。他很想跟他們說一句加油,很想跟他們握握手。可是他沒有這樣做。他的理由可多的是：他明天要上班麻,今天已經累得很,要回家休息喇...工作很重要啊,不可以任性的幹什麼事情不理後果...我有兒女嗎？我有打算生孩子嗎？跟我可沒有關係！

走著走著,好不容易走到地下鐵站的出口,正打算邁步回家去,又遇上另一群人。他們在幹什麼,為什麼在擋著路,我可要回家,Paul正咕嚕著。原來有人在做選舉的宣傳,為他們所謂的理想在吼叫著。Paul沒有理會的繼續走呀走呀,他心想說什麼理想呢？這地方容得下理想嗎？而且個個政客也是騙子,政黨比寶藥黨更可惡！

但是,有一把聲音叫住Paul,不,那不是誰的聲音,是良知在叫喚Paul...你真的對這些事莫不關心嗎？你真的沒有意見嗎,來看著我,你能逃避嗎？我就是你的良知....

“不要...不要！...““你在幹什麼？明天還要上班,晚上還要去政總,你叫什麼！！！“Paul對自己說,原來是個夢,不用逃避,政治就在空氣之中,你躲不了。“你給我到大廳裡去！！“paul相信cat會支持他,可是不包括夢中驚醒的那一瞬間......