小小說.神經伴侶004

今天Paul的心情很複雜,當他下班乘車回家的時候,他遇上一群穿上黑衣的青年人,他們貌似大學生的樣子,有些人的黑眼圈，眼袋,很像告訴你他們已經很疲累了。Paul知道他們要去那裡。他很想跟他們說一句加油,很想跟他們握握手。可是他沒有這樣做。他的理由可多的是：他明天要上班麻,今天已經累得很,要回家休息喇...工作很重要啊,不可以任性的幹什麼事情不理後果...我有兒女嗎？我有打算生孩子嗎？跟我可沒有關係！

走著走著,好不容易走到地下鐵站的出口,正打算邁步回家去,又遇上另一群人。他們在幹什麼,為什麼在擋著路,我可要回家,Paul正咕嚕著。原來有人在做選舉的宣傳,為他們所謂的理想在吼叫著。Paul沒有理會的繼續走呀走呀,他心想說什麼理想呢？這地方容得下理想嗎？而且個個政客也是騙子,政黨比寶藥黨更可惡！

但是,有一把聲音叫住Paul,不,那不是誰的聲音,是良知在叫喚Paul...你真的對這些事莫不關心嗎？你真的沒有意見嗎,來看著我,你能逃避嗎？我就是你的良知....

“不要...不要！...““你在幹什麼？明天還要上班,晚上還要去政總,你叫什麼！！！“Paul對自己說,原來是個夢,不用逃避,政治就在空氣之中,你躲不了。“你給我到大廳裡去！！“paul相信cat會支持他,可是不包括夢中驚醒的那一瞬間......

小小說‧神經伴侶 003

小小說‧神經伴侶 003

003.Paul & Cat
今天Paul難得休假，決定跟Cat去逛街、走一走。他們各有各忙，這天很難得。起初Cat想買一雙運動鞋，因為原本穿著的那一雙已經舊了，她想換一對用來跑步，她希望跑步可以令好瘦一點。「不如這一雙跑鞋吧！很美…」Paul很落力的推介這一雙有氣墊的。「腦袋沒有帶出來，就請你閉嘴！我自己看好了…」Cat的回應鏗鏘有聲…Paul無奈的去看別的東西。最後，Cat買了一雙跟舊的很相似的鞋子，就是白色一雙沒有別的花紋的簡單款式，基本上跑起來並不舒適，因為舊的鞋子不舒適，Cat這半年來都沒有跑過步。


之後他們肚子餓了，Cat要吃東西，Paul就去找吃的。「吃壽司好嗎？」「上一次吃過了，昨天跟Mary吃了，你沒有聽到嗎？」「…那吃Pizza好嗎？你前天說過想吃…」「什麼？你忘記了嗎？這一家店的不好吃，我只吃K那一間，這裡沒有…」Cat開始按捺不住…「不吃了…」轉身就走。「你…你去那兒…等…等一等！」


Cat自顧自的走到小巴站，Paul追過來，他們沒有有任何交流、然後上車。「對不起…我……什麼！很痛！！」正當Paul想說話的時候，Cat用手拉扯著Paul的耳朵，之後再用力扭一扭，真的很痛，你不信可以試一試。Paul因Cat的"攻擊"而感到很痛，同時亦感到不受尊重，羞恥感令他不知如何是好。難得一天的休假，難得一天的相聚，結果……他哭了。「你是男人嗎？…唉…哭什麼…」Cat的回應令Paul更感失望……用手抹一抹眼淚，對自己說﹕她是你自己選的，有什麼辦法。


車程的一半，Cat睡著了，她熟練的將頭輕倚在Paul的肩膀上，Paul也累了，也睡著了。(待續)

評‧回應陳敏儀女士上星期五都市日報文章

評‧回應陳敏儀女士上星期五都市日報文章

陳敏儀女士一篇有關反國民教育遊行既文章，當中提出因為政治操作、選舉既原因「真如我所顧慮，選舉來了，事情一被政治化就會變得不理性。原意是要保護孩子，現在反而是帶頭去傷害孩子，利用孩子做宣傳工具…」遊行迫令小孩子靠邊，大人又逃避責任，沒有以身作側「關係總會出現衝突，讓孩子 從父母身上，學到坦誠表達自己，學到包容和寬恕」。主流基督教會唔會都係咁諗？坦白講，愈來愈基督徒不應參與政治既呼聲。好明顯陳女士自己先將事件政治化，從一個因為選舉而出現所謂既選舉行為去睇小朋友上街。每每一講到政治就會兩極化，唔夠平衡、持平，基督教合乎中道既原則就有問題。支持政府施政如是，支持某政治人物如是，一切都係自己設局自己踩，然後就話教會不參與政治，洗手不幹逃離道德既責任。

講返呢篇署名文章，字裡行間睇到既，只係將強推國民教育既局方，與反對推行既家長、學生組織同市民，比喻為在家庭中有分歧既父母；更將彼此既分歧，簡化成人與人之間出現既衝突，要家長們要用包容同寬恕、懷抱希望，努力解難，不輕言棄，先係孩子要學習榜樣。我首先要點出，父母比喻中既錯配，緣自於雙方既不對等，如果係兩公婆，何解一方可以話行就行而唔係有相有量呢？如果真係兩公婆，真係分歧大到無法調解，可以選擇離婚，唔好害左下一代大家好嚟好去。而家呢？教育局唔係你老公，佢要用行政手段迫你就範！點傾？九萬人上街懷抱希望，而家要計劃9月3日罷課罷教……如果可以令政策撤銷，我相信大家都可以包容寬恕，大家而家就一定要不輕言棄，作小孩子既榜樣！

原文﹕(本文摘自都市日報)看到一群天真的小孩子被推在鏡頭前，舉起波板糖叫停國民教育，我憤怒了！也慶幸自己選擇了拒絕國民教育家長關注組的邀請，真如我所顧慮，選舉來了，事情一被政治化就會變得不理性。原意是要保護孩子，現在反而是帶頭去傷害孩子，利用孩子做宣傳工具，就如當年為反對正生書院遷入梅窩， 一群小孩子被安排在居民大會中去包圍正生校長，當時我在現場，心裏想：稚子何辜 ?請成年人拿出成年人的智慧去處理事情!在家庭中，父母有分歧時，也常會不自覺地以孩子作為攻擊對方的武器，例如要求孩子傳話，強迫孩子做選擇「靠邊」，把孩子置於困惑矛盾的情境中，會造成孩子的心理困擾。 關係總會出現衝突，讓孩子 從父母身上，學到坦誠表達自己，學到包容和寬恕；生命總會出現挑戰，讓孩子從你身上學會懷抱希望，努力解難，不輕言棄。
陳敏兒，資深藝人；「家長匯習」創會會長，深信家是人生的力量來源。
陳敏兒  (逢周五見報)

感‧對峙

感‧對峙

聽到好多朋友遊行既消息，亦都有做警察既朋友講佢地知到既消息…我內心好唔舒服。我除左懷疑CY既誠信之外，我從無懷疑我朋友既誠信，心痛既係我地既政府，愈來愈識得用製造撕裂、矛盾，去令社會造成分化！


有時候係facebook見到警察既行動，我真係好嬲！點解胡椒噴霧要升級呢？點解次次都噴到咁激呢？你地話因為啲人好暴力推鐵馬，但係今次用到水牆喇，唔使咁激係唔係？仲有，遊行人數超出預期，而且每年既行程都被你地刻意拖慢，點解好似你地無責任咁既？又係遊行人士太激怕出事？


不過我都係facebook見到好多人，其實唔使向前線警務人員講咁難聽既說話，佢地真係打工，而且佢地未必同你有相同既睇法，鬧佢地做咩？佢地如果唔使睇住你地，可能同屋企人擓假去旅行，佢地同你有咩分別呢？我開始唔like辱罵警察既post……睇新聞，好多後生仔挑釁前線人員，謂…其實做咩啫？佢地出手都係接order，你係咁挑佢既底線，到佢出噴霧時你唔好叫痛，仲要連累埋無搞事果啲人！


好似各打八十大板，老實講，我真心覺得兩邊都無錯。遊行示威既權由天賦予我地，根本絛可限制；而警察維持治安，令秩序井然，我覺得天公地道。問題出係邊？就係有人令到警察要做出一啲超越其基本工作既野，例如刻意拖延遊行腳程，令中間有遊行人士有情緒或者有其他要求造成矛盾；又好似明明唔需要有咁多肢體碰撞、清場、高水馬等等明顯挑釁示威情緒既行為，令雙方未開始先興奮，製造如箭在弦既緊張氣氛，一埋牙…死得！當然最後責任唔會落係前線人員手中，因為真係有前線人員唔滿意咁既做法，但係可以點呢？政府施壓我覺得真係唔存在，因為根本警方高層自己識做，愈做愈激、愈做愈離譜。


但係遊行人士係唔係無責任呢？係無得傾既情況之下，遊行既本質有明顯既變化。坦白講，好多野都係大家協商之下產生，長毛、李卓人同警察有幾熟大家都知，因為咁多年嚟大大小小既遊行示威，都係大家有溝通地進行。唔好忘記遊行示威係要將社會淡忘或者唔記得、唔知道既事，再一次呈現社會大眾既視線之中，所以最重要係報導時候果一part，好多時衝擊一輪就真係收工。但係警方高層愈來愈惡之後，帶隊既人唔通由你令遊行示威無聲無氣？當然人民力量出現，佢地將更激烈既手法讓大眾對示威有更高既注視，亦都係令大家無得傾既原因。


最後我只係想講，點解咁多矛盾既？呢啲矛盾點出嚟架？我諗大家都會認同，我地買唔到樓唔係我地唔努力，食貴罐頭唔係我地懶，無得揀特首唔係因為我地蠢，同警察對峙唔係因為我地惡，警察對住示威人士既無奈亦唔係因為我地衰，而係我地無一個有為、盡責、有良心同由我地選出嚟既政府。

說‧教會只不過……

紐西蘭 - Tekapo 的小教堂

說‧教會只不過……

有朋友話教會有好多信徒信仰薄弱，又唔肯投入就多多投訴(希望無誤解…)，當然係好多呢類現象出現左，而且教會好似因為咁，出現唔少問題。不過就呢個現象，我又有唔同睇法。


首先，我想再定議教會。

故會其實係藏污納垢、充斥罪人既地方！點解？因為凡相信基督、偕同基督者均為認罪之人，所以教會只係一班罪人聚集既地方。而且我地對罪係無免疫能力，我教堂牧師形容為犯罪循環、沒完沒了…我地可唔可以唔含怒到日落？會唔會一啲唔正確思想都無？我地就因為會繼續犯罪，所以先要返教堂念認罪文！

所以教會係罪犯集中地，我地有投入聚會、有事奉咁又點呢？係唔係比入嚟求學位既高尚？係唔係比因為唔認得佢憤而離開既人被稱為義？都係五十步笑百步，法利賽人唔識真道，佢地用行為用律去定一個人既高低聖俗，所有野都有批評同標準，今日香港教會就係向呢個方向走。返教會既人追求業績，例如有無事奉崗位，有無傳福音；向人展示一個所謂標準既基督徒樣式，人前人後感謝主，樣樣都要同"主"掛勾，卻忽略街外人睇既，係我地做人既表現，唔只一次聽到:口口聲聲感謝主，一樣係見高就拜…成日感謝神，做野咪一樣自私自利…道成肉身既信仰唔係用口去感謝，而係由心出發。

講左咁耐，重點係---唔應該期望教會內人人精兵，走向中產模式既美式成功神學之路，教會畸形、奇離人愈多，其實表示你教會真正切合人既需要！好人好者返教會信主，其實好簡單，但係你用信仰去令一個被人拒絕既人得到接納，呢個先係耶穌基督經常做既事。點解耶穌基督唔去搵總督彼拉多傳福音？唔係唔得掛？主親自出馬喎？咩中小學、座堂、咩都俾你喇！勁過林瑞麟！點解主又唔去羅馬傳福音？中左就成為國教喇！根本上，基督教應該係爛鬼信仰，有錢有權既人好難接受既信仰，好比駱駝穿針啊老友！！

最後，教會只不過……係咩？各自有各自既睇法，不過唔好用世界勤力、成功、投入等等去度一個信徒，度自己無問題，信仰個人化既極致都係自己同上主交代，不過我地無審核一個人夠唔夠格信耶穌，如果係加爾文信徒，由始至終都係一個奧秘，未到最後你都唔知得唔得救，成聖係一世既功夫……好辛苦……弟兄姊妹，做個快樂既信徒，睇開啲喇！

記‧林以諾牧師的恐同症！

記‧林以諾牧師的恐同症！


好多人討論林以諾牧師對同性戀既言論，當然我都有我既睇法，你認唔認同係你既選擇，歡迎討論！


其實我明白好多基督徒都認為同性戀係罪、係病，但係接納人有罪有病先係真正既愛，行為唔接受但個人仍然要愛…而於我，根本上我無能力去否定同性戀既先天性，加上經文有可討論既空間，我唔會係一個同性戀者，但我對同性戀有保留、唔會支持鼓勵，而且我唔會拒絕同同性戀既人做朋友。所以，我比較反感林牧師所講既。


同時係呢個咁敏感既問題上，用一個唔恰當既比喻去進行攻擊，注定令自己處下風！我地唔可以讚成癌症腫瘤喺身體上出現，話之佢係天生唔天生，你拒絕同漠視佢既存在，只係令你死得快啲，所以你會選擇去醫、切除，人之常情，我同屋企人都經歷過，明白果種滋味，所以對林牧師用嚟做比喻，錯得咁離譜更加反感！而且，佢無回應到同性戀如果係自天性既問題，會不會有其他處理既手法、睇法，佢用偷換概念的將同性戀等同病，你唔可以唔醫！咁即係變相恐嚇大家，同性戀者=病人，仲要等死唔肯醫果隻！咁就算你係閂埋門，同基督徒自己友講，都係好過份囉！


可能我誤解左佢，係幾年前佢都好似唔係咁"激"，無咁公開支持呢類右傾、保守原教旨主義既言論。加上佢對民主既睇法，更有理由令人相信，拉攏權貴世界仔，先係佢既真身！

林以諾對民主睇法facebook全記錄

http://chandoremi.wordpress.com/2012/03/18/1-333/

黃耀明斥林以諾言論似恐怖分子

記‧不要再說…

記‧不要再說…

從小到大，我也是一個乖乖的學生，我循規蹈矩，我怕成為壞份子，會給人丟棄，我想得到人的認同和愛。我多嘴我好奇，為的是給人記住我，這是我的安全感。這麼多年來活在別人的陰影之下，的確很不開心，想做的做不了，不想做的也做得不成功。我明白的，我知道的。這幾年的陰影更大、大得更可怕，怕得要死……現在，我開始明白什麼是活在當下，我要為自己而活。可是傷害我那麼深的你，為何要跟我說這些話呢？是誰最令我失去自尊和自信？我的所有在一月的時候已經全被你奪去了！不要再跟我說這些廢話好不好，照顧好你自己就好，即使與我無關……雖然我知道你出於好意，但太遲了。


朋友們，我真的很好，不要為我操心，這是治癒的過程。上主看顧著我，我也不再胡思亂想、放任自己不顧。我有我的家人，我有我的朋友，我會堅強做自己想做的事。只是三十多年來的習慣、歧途，要改的話，掙扎很大、傷痛很重……為我禱告吧！(不要燒香，沒用的…而且要用錢呀！哈哈！)

小小說‧神經伴侶 002

小小說‧神經伴侶 002


Johnny & Molly


Molly今天很緊張，因為這次是她人生第一次進行"交收"。"交收"就是你在網上買東西，賣家跟買家面對面的進行交易。Molly喜歡實在的東西，她從來不會在網上購物，因為她不能將貨物放在手上，也不能跟店員溝通，感覺很不實在。很多女孩子會團購衣物、化妝品等等，她從來都不會參與，因為感覺太不實在。她選男朋友，也很實在。Johnny是一名剛從學堂畢業的警員，個子高大、眉清目秀，最重要的，是他為人孝順、樸實，比較其他男孩子，他實在比較"實在"。你可能已經猜對，是啊，Molly的第一次交收，是為了Johnny。明天就是Johnny的生日，她想給他一個驚喜，她預備送他一件籃球球衣。她為了他很努力，她向他的哥哥請教他喜愛的球星是誰、喜愛的球隊是那一枝……最後她決定在網上購買一件球衣，作為他生日的禮物。


交收過程很順利，今天晚上她將球衣送給他。


「Johnny，我有份生日禮物送給你……你一定會喜歡的！」「是什麼來的？」「你…你折開來看就知道…」Molly心想，Johnny一定會很喜歡的！「什麼？這是什麼？……」Johnny看後竟然不是喜形於式，相反他有一點兒不高興……「你哥哥就你最喜愛的，是熱火隊麻…不是嗎？」「我跟我哥哥已經很久沒見面了！他只知道足球的事…他懂籃球嗎？你去問他……」Johnny父母離異後，他哥哥跟爸爸一起住，Johnny跟媽媽一起住。Molly是他哥哥的同事…「我不知道麻……」「你不知道嗎？你也可以看看我的衣櫃，我有的籃球球衣也不少…而且我家的海報都是公牛隊，我最愛的是Rose！……還有這是假貨！」「什麼？假的嗎？我還用了五百元來買！網上賣東西的人太可惡了！」「什麼？你去網上買東西？旺角賣球衣的店舖也不少！」「我就是不想去…我不知道麻……」


其實，Molly在追求實在的過程中，她可能是最不實在的那一個人。(待續)

禱‧認罪文

禱‧認罪文

主耶穌！我的生命一團糟，應做的我沒有做，不應做的我反去做。現在我深深奧悔，我期望藉著你捨身的愛，以流血的方式，令我由有罪變成無罪。感謝主！上主啊！你叫我們要知道袮是神！你是行行義、好憐憫的神！眼見教會以各種方式，定人的罪；教會用各種方式，去標榜成功，卻忘記袮用最愚拙既方式，降生成人為我們解困。 袮的教導是叫人學懂寬恕，因為袮今天不定某人的罪，沒有人會定他的罪了；你教導我們要靈巧像蛇、溫馴像鴿子。可是今天教會執意要定人的罪，不是寬恕而是不斷的攻擊，連為"罪人"持平的人，也成了罪人！今天的教會是披著羊皮的狼，各自山頭臨立，為的是人數的擴張，為的是攀附權貴，以謀所謂的"榮神益人"的計劃，而忽略了坐在寶座上，天天在聖堂中央的主！今天政府的不仁，教會說君權神授！地產霸權之下，教會內各人討論的是如何致富，窮乏人的溫飽已經不再重要。以色列的罪，在今天仍然橫行，只是…親愛的主，我是個幫凶！聖靈，我求袮與我們同在，保守我們的心懷意念，叫我們挺身而出的為社會呼喊﹕主的國已經來臨！天國已在人間！因上主與我們同在！我們要為貧窮人禱告，因為他們不得飽足；我們要為同性戀者禱告，我們沒有權定他們的罪，但他們有權認識袮，他們也是上主的民；我們要為青少年人禱告，因為他們面對的挑戰，不是流行文化的衝擊，而是他們不知道袮是誰！我們要為世界禱告，因為世界正陷入衰敗之時，求主憐憫我們、憐憫我們！上主，我們輭弱求袮堅定我們，我們要愛人如己，要盡心盡性盡意盡力的愛袮！我們會失腳，但主必接納我們；我們會犯罪，上主在我們未犯之先已寬恕我們。主，我愛袮，求你潔淨！以上禱告，奉救主、耶穌基督之名而求，阿們。

論‧反Lady Gaga......

論‧反Lady Gaga......


影音使團舉行左一個反Lady Gaga既行動，本人真係不能同意,因為如果有跟進開Lady Gaga既人就會知,根本佢只係一個賺錢既project...同埋藝術與美學無絕對標準！你可以支持佢地既行動，呢個係一個自由；只係行動背後保護青少年人，齋祈禱？文化上我睇唔到呢個機構做過d乜，因為佢地同主流完全斷裂！想當年既突破機構(唔係而家呢個殼！)就係衝擊主流文化！當年佢地既入世，但又用基督教價值而非用宗教術語去抗衡，佢地無用自己出版既渠道去所謂傳福音，但更多信與不信既青少年受益！我敢問影音使團又做左d乜？特別係向非信徒而言，佢地又傳播緊一個咩形象？

拉到政治上既問題，係因為咁多野要發聲，但作為基督教既媒體，佢地又做緊d乜？Lady Gaga既行動一定成功，因為佢買飛唔理想...黃偉文既演唱會，分明就係一個同性戀者既個人表演，你又唔去搞佢？黃耀明出櫃你又唔搞佢？朱茵作假見證教壞細路你又唔搞佢？盛女扭曲價值觀你又唔搞佢？我覺得，咁多野要做，Lady Gaga你搞佢做咩？一個project咋，其實佢無咩概念同哲學，同Madonna差好遠...佢又黎香港喇，又反唔反先？最後其實Lady Gaga有唱"福音歌"，我未聽晒佢既內容，但對宗教有反省，鬧之前有無聽？唱片製作上佢既碟都有改變，都係一個業界既新方向，唔通你唔喜歡就抹煞佢地既努力？有時候，我覺得我太多說話喇…對唔住各位！


另文章分享﹕

影音使團曲線幫 Lady Gaga 做勢 (轉自有種美德叫有種)

http://chandoremi.wordpress.com/2012/05/02/1-362/

我會為青少年人唔好做盲虫禱告......